‘रातो टिका निधारमा’को ट्रेलर सार्वजनिक भएको छ । सिनेमामा साम्राज्ञी राज्यलक्ष्मी शाहले डेब्यू अभिनेता अंकित शर्मासँग जोडी बाँधेकी छन्।
अशोक शर्माको निर्देशित सिनेमा अशोज १० गते रिलिज हुँदैछ। अंकित निर्देशक शर्माका छोरा हुन्।
सार्वजनिक ट्रेलरले वैदेशिक रोजगारको सेरोफेरो सिनेमा घुमेको देखाएको छ। सिनेमामा साम्राज्ञी देशमै केहि गरौं भन्ने युवतीका रूपमा देखिएकी छिन् भने अंकित विदेश पठाउने एजेन्टको भूमिकामा देखिएका छन्। ट्रेलरले सिनेमा कमेडीमय भएको देखाएको छ।
सिनेमामा साम्राज्ञी र अंकितका अलावा रविन्द्र झा, नीता ढुंगाना, खुस्बु खड्का, बुद्दि तामाङ, बसुन्धरा भुषाल, शिवहरि पौडेल, जयनन्द लामा, लक्ष्मी गिरी, अरुणा कार्की, राजराम पौडेल, कमला रेग्मीलगायतका कलाकारको पनि अभिनय छ ।
सिनेमामा शम्भुजित बाँस्कोटारकल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन, राजेश शाहको भिएफएक्स छ ।
.jpg)
