प्रधानमन्त्री कप काठमाडौं छनोटमा क्रिकेट एक्सिलेन्स सेन्टरका रित गौतमले लगातार तेस्रो शतक प्रहार गरेका छन्।
मंगलबार माथिल्लो मुलपानीमा भएको सुपर-६ को खेलमा हिमालयन क्रिकेट एकेडेमीविरूद्ध १३३ रन बनाएका छन्।
खेलमा टस जितेर पहिले ब्याटिङ गरेको एक्सिलेन्स सेन्टर ३९ ओभरमा १८३ रनमा अलआउट भयो।
यसअघि रितले न्यु भिजन क्लबविरूद्ध १४४ रन र डिभाइन क्रिकेट क्लबविरूद्ध १०१ रन बनाएका थिए।
आजको खेलमा जित हात पारे क्रिकेट एक्सिलेन्स फाइनलमा पुग्नेछ। यसअघि सुपर-६ दुवै खेल जितेर महावीर स्टडिज एन्ड एथ्लेटिक्स सेन्टर फाइनल पुगिसकेको छ।
महावीरले ग्रेट हिमालयन एकेडेमी र बालुवाटर क्रिकेट क्लबलाई सुपर-६ मा पराजित गरेको थियो।
-1746009348.jpg)
