दक्षिण भारतीय अभिनेता अल्लू अर्जुनको फिल्म 'पुष्पा २' ले बक्स अफिसमा राम्रो कमाइ गरिरहेको छ।
यो फिल्म प्रदर्शन भएको ४६ दिन भइसक्यो। तर फिल्मलाई दर्शकले अझै साथ दिइरहेका छन्। सैकनिल्कको रिपोर्ट अनुसार फिल्मले ४६ औं दिनमा १ करोड १८ लाख भारू कमाएको छ।
यस फिल्मले अहिलेसम्म १२२७ करोड ९३ लाख भारू कमाएको छ। फिल्मले विश्वभरबाट १७३४ करोड भारू कमाएको छ।
'पुष्पा २' ले सबैभन्दा धेरै कमाइ गर्ने भारतीय फिल्मको रेकर्ड राखेको छ।
सुकुमार बान्द्रेडीको लेखन तथा निर्देशन रहेको फिल्ममा अल्लु अर्जुनसहित रश्मिका मन्दना, फरद फासिल, जगपति बाबु, धनुञ्जय, राव रमेश, सुनील लगायतको अभिनय छ। नवीन येर्नेनी र रविशंकर यममाञ्चिली फिल्मका निर्माता हुन्।
