नन्दामुरी बालाकृष्ण अभिनीत फेन्टासी-एक्सन तेलुगु फिल्म 'अखण्ड २' डिसेम्बर १२ (शुक्रबार) देखि प्रदर्शनमा आउने भएको छ।
निर्माण पक्षले बुधबार सामाजिक सञ्जालमार्फत नयाँ प्रदर्शन मिति घोषणा गरेको हो। यो फिल्म पहिलो पटक डिसेम्बर ५ मा रिलिज हुने तय भए पनि आर्थिक विवादका कारण मिति सारिएको बताइएको छ। विवाद समाधान गर्ने प्रयास गरे पनि समयमै सहमति नजुटेपछि रिलिज स्थगित गरिएको थियो।
बोयापाटी श्रीनु निर्देशित 'अखण्ड २' ले २०२१ को सुपरहिट फिल्म 'अखण्ड' सिक्वेल हो। फिल्ममा संयुक्ता मेनन, आदि पिनिसेट्टी, कबीर दुहन सिंहलगायतको अभिनय छ।
यो फिल्म नेपालमा समेत प्रदर्शनमा आउँदैछ। नयाँ मिति घोषणासँगै नेपालका सिनेमा हलहरूले फिल्मको बुकिङ खुलाएका छन्।
-1763886130.jpeg)
-1746009348.jpg)
