बलिउड अभिनेता अक्षय कुमार आगामी फिल्म 'कन्नप्पा' मा देखिनेछन्।
अक्षयले यसै फिल्मबाट तेलुगु फिल्म क्षेत्रमा डेब्यू गरेका हुन्। फिल्मबाट अक्षयको लुक्स सार्वजनिक गरिएको छ। सार्वजनिक पोस्टरमा उनी महादेवको अवतारमा देखिएका छन्।
अक्षयले पोस्टर सार्वजनिक गर्दै लेखेका छन्, 'कन्नप्पाका लागि महादेवको पवित्र भूमिकामा। यस महाकाव्य कथाको जीवन्त गर्ने गौरव प्राप्त भयो। भगवन शिव यस दिव्य यात्रामा हाम्रो मार्गदर्शन गर्नेछन्। ओम नमः शिवाय।'
भगवान शिवमा आधारित पौराणिक फिल्ममा प्रभास, अक्षय कुमार, मोहनलाल, सरथकुमार, मधु, मोहन बाबू, काजल अग्रवाल, ब्रह्मानन्दनलगायत कलाकारको अभिनय रहनेछ।
यो फिल्म २५ अप्रिलमा रिलिज हुनेछ।
