भारतीय अभिनेता जयदीप अहलावतका बुबा दयानन्द अहलावतको मृत्यु भएको छ।
भारतीय सञ्चारमाध्यम दैनिक भास्करका अनुसार सोमबार राति उनको बुबाको मृत्यु भएको हो। दयानन्दको मुम्बईमा उमेर सम्बन्धि बिमारीको उपचार चलिरहेको थियो। जयदीप आफ्नो आफन्तसँग बुबाको पार्थिव शरीर लिएर हरियाणा गएका छन्। हरियाणा उनीहरूको पुरानो घर हो।
'जयदीप अहलावतको बुबाको निधनको घोषणा गर्दै गर्दा हामीलाई निकै दुःख लागेको छ। जयदीप र उनका परिवारको यस कठिन समयमा गोपनियताका अनुरोध गर्छाैं। हामी तपाई समझदारी र प्रार्थनाका लागि धन्यवाद दिन चाहन्छौं,' जयदीपको टिमले एक बयान जारी गरेका छन्।
जयदीपका आमाबुबा दुवै जना शिक्षक थिए। उनका बुबा सेवानिवृत्त पनि भएका थिए।
जयदीपको वेब सिरिज 'पाताल लोक २' १७ जनावरीमा अमेजन प्राइममा स्ट्रीम हुनेछ।
