हुण्डी कारोबारमा संलग्न भएको अभियोगमा प्रहरीले एक जनालाई पक्राउ गरेको छ।
पर्सा प्रहरीको टोलीले वीरगन्ज-१६ रजतजयन्ती चोकबाट पाँच लाख पचास हजार रूपैयाँसहित एक जनालाई आइतबार पक्राउ गरेको हो।
पक्राउ पर्नेमा भारत बिहार मोतिहारी पूर्वी चम्पारण रक्सौलका ५० वर्षीय सुरेश महतो छन्। बिआर०५ एए ७३१९ नम्बरको मोटरसाइकलमा सवार उनलाई रक्सौलबाट वीरगन्ज आउँदै गर्दा पक्राउ गरिएको पर्सा प्रहरीले जनाएको छ।
स्रोत नखुलेको रकम हुण्डीमा प्रयोग हुने गरेको प्रहरीको भनाइ छ। उक्त रूपैयाँको स्रोत खुल्न नसकेपछि महतोलाई पक्राउ गरिएको प्रहरीले जनाएको छ।
