बलिउड अभिनेता मनोज कुमारको शुक्रबार बिहान मृत्यु भएको छ।
भारतीय सञ्चारमाध्यमका अनुसार उनले ८८ वर्षको उमेरमा मुम्बईको कोकिलाबेन अस्पतालमा अन्तिम सास फेरेका हुन्। उनी हिन्दी फिल्म उद्योगमा देशभक्तिपूर्ण फिल्मका लागि परिचित छन्।
उनले 'क्रान्ति, उपकार, शहीद, पूर्व और पश्चिम, रोटी कपडा और मकान' जस्ता फिल्ममा अभिनय गरेका छन्।
उनको वास्तविक नाम भने हरिकृष्ण गोस्वामी हो। उनको जन्म १९३७ मा एबटाबादमा भएको थियो, जुन अहिले पाकिस्तानमा पर्छ।
मनोज कुमारले धेरै देशभक्तिपूर्ण फिल्म गरे र ती यति हिट भए कि उनको नाम 'भारत कुमार' रह्यो।