बलिउड अभिनेता सलमान खानको फिल्म 'सिकन्दर' लाई समीक्षकले मात्र नभई दर्शकले पनि मिश्रित प्रतिक्रिया दिइरहेका छन्।
सामाजिक सञ्जालमा फिल्मलाई लिएर नकारात्मक प्रतिक्रिया आइरहेको छ। यसैबीच निर्माता साजिद नाडियाडवालाकी श्रीमती वर्दा नाडियाडवालाले फिल्मलाई ट्रोल गर्नेलाई जबाफ दिएकी छन्। जसमा उनको केही ट्वीट डिलिट भइसक्यो।
उनले २ अप्रिलमा 'सिकन्दर' को हाउसफुलको भिडिओ सेयर गरेकी थिइन्। जसमा एक सामाजिक सञ्जाल प्रयोगकर्ताले लेखेका थिए, 'यो सलमान भाइलाई देखाउनु र भन्नु फिल्म ब्लकबस्टर भयो।'
वर्दा यसको जबाफमा लेखेकी थिइन्, 'गेट वेल सुन।'
त्यसपछि उक्त सामाजिक सञ्जाल प्रयोगकर्ताले वर्दाले आफूलाई कडा शब्द प्रयोग गरेको भन्दै आक्रोश पोखेका छन्।
यो फिल्मको कमाइ लगातार घटिरहेको छ। भारतमा फिल्मले ४ दिनमा ८४ करोड २५ लाख भारू कमाएको छ।
एआर मुरुगादास निर्देशित फिल्ममा सलमान खान र रश्मिका मन्दनाको मुख्य भूमिका छ।
