भारतको मुम्बई क्राइम ब्रान्चले अन्धेरी इलाकाबाट लोरेन्स ग्याङका ५ सदस्यलाई पक्राउ गरेको छ।
भारतीय सञ्चारमाध्यम दैनिक भास्करका अनुसार उनीहरूसँग ७ पेस्तोल र २१ कारतूस जफत गरेको थियो। पुलिसले बुधबार उक्त जानकारी दिएको हो।
लोरेन्स ग्याङले थुप्रै सेलिब्रेटीलाई आफ्नो निशाना बनाएको थियो। क्राइम ब्रान्चका अधिकारीका अनुसार लोरेन्स ग्याङका सदस्यलाई शनिबार हिरासतमा लिइएको हो। उनीहरूले हतियार लिनुको कारण जाँच भइरहेको छ।
पक्राउ पर्नेमा विकास ठाकुर उर्फ विक्की, सुमित कुमार दिलावर, श्रेयस यादव, देवेन्द्र सक्सेना र विवेक गुप्ता छन्। उनीहरू राजस्थान, बिहार र उत्तर प्रदेशमा बस्छन्।
लोरेन्स ग्याङले सलमान खानलाई लगातार धम्कि दिइरहेका थिए।
