किरण रावको निर्देशनमा बनेको फिल्म 'लापता लेडिज' सन् २०२४ मा रिलिज भएको थियो।
दर्शकले यस फिल्मको कहानीलाई खुब मन पराएका थिए। यो फिल्म अस्करका लागि भारतबाट आधिकारिक रूपमा छनोट भएको थियो। तर फिल्म पहिलो राउण्डमै बाहिरियो।
अब यो फिल्म फिल्म नयाँ विवादमा फसेको छ। 'लापता लेडिज' माथि एक विदेशी फिल्मको कहानी कपी गर्ने आरोप लागेको छ। सामाजिक सञ्जाल प्रयोगकर्ताहरूले यो फिल्म अरबी सर्ट फिल्म 'बुर्का सिटी' सँग मिल्दो जुल्दो रहेको बताएका छन्।
सन् २०१९ मा आएको १९ मिनेट शर्ट फिल्म 'बुर्का सिटी' मा मिडिल इस्टको कहानी देखाइएको थियो। जहाँ एक व्यक्तिको नयाँ बेहुली एक महिलासँग साटिन्छिन्। किनकी दुवै जनाले बुर्का लगाएका थिए।
'लापता लेडिज' मा दुई बेहुली परिवर्तन हुन्छन् किनकी उनीहरूले घुम्टो लगाएका हुन्छन्।
अहिलेसम्म 'लापता लेडिज' का टिम या किरण रावले यस आरोपमा आधिकारिक बयान दिएका छैनन्।
