बलिउड अभिनेता ज्याकी श्राफ अभिनीत वेब सिरिज 'चिडिया उड' को ट्रेलर सार्वजनिक भएको छ।
बुधबार एमएक्स प्लेयर युट्युब च्यानलमार्फत वेब सिरिजको ट्रेलर सार्वजनिक गरिएको हो। सार्वजनिक ट्रेलरमा गाउँकी केटी वेश्यालयमा पुगेको कथालाई प्रस्तुत गरिएको छ।
रवि जाधवले निर्देशन गरेको वेब सिरिजको कहानी मोहिन्दर प्रताप सिंह र चिन्तन गान्धीले लेखेका हुन्। 'चिडिया उड' आबिद सुरतीको उपन्यास 'केज' मा आधारित छ।
वेब सिरिजमा ज्याकी श्राफ, मीना सिकन्दर खेर, मधुर मित्तल, मयुर मोरे, मीता वशिष्ठलगायत कलाकारको अभिनय छ। यसमा ज्याकी श्राफले भिलेनको भूमिका निर्वाह गरेका छन्।
यो वेब सिरिज अमेजन एमएक्स प्लेयरमा १५ जनावरीदेखि प्रदर्शन हुनेछ।
