बंगलादेशको ढाकामा आयोजना हुने छैटौं अन्तर्राष्ट्रिय वि.के.एस.पी कप एथलेटिक्स च्याम्पियनसिपमा नेपालका ६ खेलाडीले भाग लिने भएका छन्।
भाग लिने नेपाली खेलाडीहरुलाई राष्ट्रिय खेलकुद परिषद्का सदस्य सचिव टंकलाल घिसिङले आइतबार विदाइ गरे।
प्रतियोगिता यही माघ १५ र १६ गते (जनवरी २८ र २९) हुँदैछ। च्याम्पियनसिपमा एथलेटिक्स परिवार नेपालकातर्फबाट चार जना पुरुष र दुई जना महिला गरि छ जना खेलाडी सहभागी हुँदैछन्।
सहभागी खेलाडीहरुमा शैलेश श्रेष्ठ, पुकारजंग बस्नेत, मनिष लाम्साल, सन्तबहादुर दराई, निशा घर्ती र अस्मिता भुजेल छन्।अफिसियलमा सुन्दरकेशर कार्की छन् ।
