नेपाल कबड्डी लिग (एनकेएल)मा जनकपुर नाइट्सले लगातार दोस्रो जित निकालेको छ।
त्रिपुरेश्वरस्थित दशरथ रंगशालामा मंगबार भएको खेलमा जनकपुरले धनगढी वाइल्डक्याट्सलाई ३७–३१ ले पराजित गर्यो।
जितसँगै जनकपुरले १० अंक जोडेर शीर्ष स्थानमा उक्लिएको छ। धनगढीको भने एक अंक मात्र छ।
पहिलो खेलमा जनकपुरले हिमालयन रेइडर्सलाई ३५-२४ ले हराएको थियो।
धनगढी भने पहिलो खेलमा विराटनगर ब्यान्डिट्ससँग ४६-३४ ले पराजित भएको थियो।
