अस्ट्रेलियाको मेलबर्नमा रहेको ग्लेनरोयमा भिक्टोरिया राज्यका लागि नेपाली वाणिज्य दुतको कार्यालय(कन्सलेट अफिस) उद्धघाटन भएको छ।
अस्ट्रेलियाका लागि नेपाली राजदुत चित्रलेखा यादवले वाणिज्य दूत कार्यालयको उद्घाटन गरिन्।
उद्घाटन कार्यक्रममा बोल्दै राजदुत यादवले कन्सुलेट अफिसहरुलाई थप अधिकार दिने पक्षमा आफू रहेको बताइन्। उनले सेवाग्राहीका अपेक्षा पूरा गर्न आफूले अधिकार विकेन्द्रीकरण गर्ने बताइन्।
'यहाँबाट प्राप्त हुने सेवाहरु अत्यन्त राम्रोसँग हुन्छ भन्ने लागेको छ। सेवा दिने क्रममा हामीसँग पनि उहाको अपेक्षा छन होला म त्यसलाई चाँडो पूरा गर्न म लाग्नेछु, 'उनले भनिन्, 'कन्सुलेट अफिसहरुको सेवा विस्तारको लागि मैले सहजीकरण गर्नेछु।'
भिक्टोरियाका लागि नेपालका वाणिज्य दूत निराजन गौंलीले पासपोर्टको बायोम्याट्रिक गराउने जिम्मेवारी कन्सुलेट अफिसलाई दिएमा सहज हुने बताए।
'पासपोर्ट बनाउका लागि सहजीकरण गर्न पाए यहाँ भएका नेपालीलाई सजिलो हुन्थ्यो भनेर मैले भनिरहेको छु। हामीले क्यानभेरामा रहेको नेपाली दूतावासका सेवाबारे यहाँ रहेका नेपाली समुदायलाई बुझाउने प्रयास गरेका छौं,' उनले सेतोपाटीसँग भने,'नेपाली समुदायलाई अस्ट्रेलियाको सरकारी सेवा लिने क्रममा पर्न सक्ने अप्ठ्यारो सहजीकरण गर्ने,मानसिक स्वास्थ्यबारे सचेत गराउने लगायतका काम हामीले गरिरहेका छौं।'
उद्धाटन कार्यक्रममा नेपाल र अस्ट्रेलियाको झण्डा झण्डोत्तलन समेत गरिएको थियो।
