अभिनेता बबी देओल आज आफ्नो ५६ औं जन्मदिन मनाउँदैछन्।
उनको जन्मदिनको अवसर पारेर नयाँ फिल्म 'हरि हर वीरा मल्लू' को पोस्टर सार्वजनिक गरिएको छ। सार्वजनिक पोस्टरमा उनी एक सम्राटको रूपमा तलवार लिएको देख्न सकिन्छ।
पोस्टरमा लेखिएको छ, 'जन्मदिनको बधाई दिइन्छ। जसको काम कसैसँग तुलना गर्न सकिदैन। जोसँग स्क्रिनमा टिकिरहने क्षमता छ।'
कृष जगरलामुडी निर्देशित फिल्ममा पवन कल्याण, बबी देओल, निधि अग्रवाल, नरगिस फाखरी, नोरा फतेहीको मुख्य भूमिका रहनेछ।
यो फिल्म २८ मार्चमा प्रदर्शन हुनेछ।
बबी पछिल्लो समय बालाकृष्णा नन्दमूरिको फिल्म 'डाकु महाराज' मा देखिएका थिए। यस फिल्ममा उनले भिलेनको भूमिका निर्वाह गरेका छन्।
