बलिउड अभिनेता विक्की कौशलको आगामी फिल्म 'छावा' लाई लिएर विरोध भएको छ।
हालै यस फिल्मको ट्रेलर सार्वजनिक भएको थियो। जसमा छत्रपति संभाजी महाराजको भूमिकामा देखिएका विक्की कौशल डान्स गरिरहेको देखाइएको छ। यसमा पूर्व राज्यसभा सांसद संभाजी राजे छत्रपतिले विरोध जनाएका छन्।
उनले छत्रपति संभाजी महाराजलाई म्यूजिकल इन्स्टुमेन्ट बजाएको देखाउनु ठिक तर नाचिरहेको देखाउनु गलत भएको बताएका छन्। उनले छावा संभाजी राजेको जीवनमा आधारित फिल्म बन्दा खुशी व्यक्त गरेका छन्।
लक्ष्मण उतेकर निर्देशित फिल्म 'छावा' मा विक्की कौशल, रश्मिका मन्दना, अक्षय खन्नाको मुख्य भूमिका छ।
यो फिल्म १४ फ्रेबुअरीदेखि प्रदर्शन हुँदैछ।
