यतिबेला अभिनेत्री सारा अली खान आफ्नो प्रेम सम्बन्धको कारण चर्चामा छिन्।
भारतीय सञ्चारमाध्यम दैनिक भास्करका अनुसार उनी अर्जुन बाजवाको प्रेममा छिन्। आफ्नो प्रेम सम्बन्धको चर्चा भएपछि अर्जुन बाजवाले प्रतिक्रिया दिएका छन्।
'जसलाई जे लेख्नु छ लेखे हुन्छ। उनीहरूको काम हो। उनीहरू आफ्नो काम गरिरहेका छन्। म आफ्नो काममा केन्द्रित हुन्छु। साच्चै मलाई यो सब चिज कुराको चिन्ता लाग्दैन,' उनले भनेका छन्।
अर्जुनसँग प्रेम सम्बन्धबारे साराले केही प्रतिक्रिया दिएकी छैनन्। सारा र अर्जुन केदारनाथ दर्शन गर्न गएपछि प्रेम सम्बन्धको चर्चा भएको थियो। उनीहरूले सामाजिक सञ्जालमा समेत तस्बिर सार्वजनिक गरेका थिए।
अर्जुन अभिनेता, मोडल, गायक तथा राजनीतिज्ञ हुन्। उनले 'ब्याण्ड अफ महाराजा' मा अभिनय गरेका छन्।
