बलिउड अभिनेता अक्षय कुमार यतिबेला आफ्नो फिल्म 'स्काई फोर्स' लाई लिएर चर्चामा छन्।
यो फिल्म २४ जनवरीदेखि प्रदर्शन हुँदैछ। अक्षय यस फिल्मको प्रमोशनमा व्यस्त छन्। प्रमोशनको क्रममा उनलाई भारतीय फिल्म बक्स अफिसमा फ्लप हुनुको कारण सोधिएको थियो।
यस प्रश्नको जबाफमा अक्षयले भने, 'ओटिटी प्लेटफर्म्स आएपछि र यसको लोकप्रियताको कारण फिल्म बक्स अफिसमा फ्लप भइरहेको छ।'
उनले पिंकभिलालाई दिएको अन्तर्वार्तामा भने, 'म धेरै व्यक्तिसँग भेट्छु र उनीहरूबाट एकै कुरा सुन्छु। हामी यो फिल्म ओटिटीमै हेर्छौं। कोभिडपछि मान्छेहरूलाई ओटिटी फिल्म हेर्ने बानी परिसक्यो।'
'स्काई फोर्स' मा सारा अली खान, निम्रित कौर, वीर पहाडियालगायत कलाकारको अभिनय छ। यस फिल्मपछि अक्षय 'भूत बंगला, हाउसफुल ५, जली एलएलबी ३, शंकर, हेरा फेरी ४, वेलकम टु द जंगल, भागम भाग २' जस्ता फिल्ममा देखिनेछन्।
