दक्षिण भारतीय फिल्म 'पुष्पा २' ले बक्स अफिसमा रेकर्ड तोड कमाइ गरिरहेको छ।
यसैबीच फिल्मका निर्देशक सुकुमारले फिल्म क्षेत्र छाड्न चाहेको बताएका छन्। उनले हैदराबादमा भएको एक कार्यक्रममा उक्त कुरा बताएका हुन्।
कार्यक्रममा उनलाई सोधिएको थियो- यस्तो कुनै एक चीज, जुन तपाई छाड्न चाहनुहुन्छ?
जबाफमा उनले भने, 'फिल्म'।
सुकुमारले किन फिल्म क्षेत्र छाड्न चाहेको खुलाएका छैनन्। 'पुष्पा २' को प्रिमियरमा एक महिलाको मृत्यु भएको थियो। जुन घटनाले फिल्म क्षेत्र छाड्न चाहेको दर्शकको अनुमान छ।
अब सुकुमार 'पुष्पा ३' निर्देशन गर्नेछन्। 'पुष्पा २' रिलिज भएसँगै 'पुष्पा ३' को घोषणा गरिएको थियो। यसमा अल्लू अर्जुन र रश्मिका मन्दनाको मुख्य भूमिका रहनेछ।
