बलिउड अभिनेता कार्तिक आर्यन अभिनीत फिल्म 'भूल भुलैया ३' ले बक्स अफिसमा राम्रो कमाइ गरेको थियो।
फिल्मले बक्स अफिसमा सफलता हासिल गरेसँगै चौथो भाग निर्माण घोषणा गरिएको छ। 'भूल भुलैया' मा अक्षय कुमारले मुख्य भूमिका निर्वाह गरेका थिए। दोस्रो र तेस्रो भागमा अभिनेता कार्तिक आर्यनले उनलाई रिप्लेस गरेका थिए।
चौथो भागमा अक्षय कुमार देखिने चर्चा छ। हालै निर्देशक अनीस बज्मीले प्रतिक्रिया दिएका छन्।
'यदि कथाले माग्यो भने पूरा सम्भावना छ कि अक्षय कुमार हुने' उनले भने, 'हामीबीच मित्रता र माया दुवै छ। यदि कहानीमा सुहाउदो भयो भने उनी फर्कनेछन्।'
'भूल भुलैया ४' मा अभिनेता कार्तिक आर्यन अनुबन्धित भइसकेका छन्। उनी बाहेक अन्य कलाकारको बारेमा खुलासा गरिएको छैन।
