बलिउड अभिनेता विक्की कौशलले नेपाली गीतमा नृत्य गरेका छन्।
विक्कीले ‘यो नेपाली शिर उचाली..’ मा खुकुरी समातेर नृत्य गरेका हुन्।
विक्कीले आफ्नो इन्स्टाग्राममा ‘जय महाकाली...आयो गोर्खाली’ भन्दै भिडिओ सेयर गरेका छन्।
साथै उनले खुकुरी समात्दा गौरव महसुस गरेको समेत बताएका छन्।
उनले आगामी फिल्म ‘साम बहादुर’ का लागि यो गीतमा नृत्य गरेका हुन्। उनले गोर्खा रेजिमेन्टका भारतीय जवानहरूसँग खुकुरी समातेर नृत्य गर्न सिकिरहेको भिडिओमा देख्न सकिन्छ।
छायांकनको क्रममा उनले नेपाली गीतमा नृत्य अभ्यास गरेका थिए।
यो फिल्म सन् १९७१ मा भारत र पाकिस्तानको युद्धको परिवेशबारे छ।
मेघना गुल्जारले निर्देशन गरेको फिल्ममा विक्कीसँगै सान्या मल्होत्रा, फातिमा सना शेखलगायत कलाकारको अभिनय छ।
यो फिल्म डिसेम्बर १ देखि प्रदर्शन हुनेछ।
