बलिउड अभिनेत्रीहरूसँगै फोटोमा देखिएका ओरीको अहिले सामाजिक संजालमा चर्चा भइरहेको छ। उनी बलिउडको पार्टीमा देखिँदै आएका छन्। पार्टीमा मात्रै नभइ ओरी अभिनेत्रीहरुसँग अन्य कार्यक्रममा पनि देखिरहेका छन्।
ओरीको पुरा नाम हो, ओरहान अवत्रामणि। पछिल्ला समय उनी अभिनेत्री जान्हवी कपूर, न्यासा देवगन र सारा अली खानलगायत अभिनेत्रीसँग देखिँदै आएका छन्। पछिल्लो समय उनी भारतको धनाढ्य मुकेश अम्बानीकी श्रीमती नीता अम्बानीसँग पनि निकट देखिएका छन्। गतसाता अभिनेता शाहरूख खानको जन्मदिनको पार्टीमा ओरी देखिएका थिए। यसैको कारण उनलाई सामाजिक संजालमा को हो ओरी भन्दै प्रतिक्रिया दिइरहेका छन्।
ओरी मुम्बईको सामाजिक कार्यकर्ता हुन्। उनी अभिनेत्री सारा अली खानसँगै कोलम्बिया युनिभर्सिटीमा पढाइ गरेका थिए।
उनी बलिउडको 'बिएफएफ' को रूपमा पनि चिनिन्छन्। उनी पछिल्लो समय आफ्नो बोल्ड फेसन छनोट र फ्यान फलोइङको कारण चर्चामा छन्।
उनी मुम्बईको व्यवसायी पनि हुन्। रिलायन्स इन्डस्ट्रिज लिमिटेड चेयरपर्सन अफिसमा उनी विशेष परियोजना प्रबन्धकको रूपमा काम गर्छन्। यसबाहेक उनले न्यूयोर्कको पार्सन स्कुल अफ डिजाइनबाट फाइन आर्ट्स र कम्युनिकेशन डिजाइनमा स्नातक गरेका थिए।
उनको इन्स्टाग्राममा चार लाखभन्दा बढी फलोअर्स छन्। उनले आफ्नो इन्स्टाग्राममा फिल्म प्रिमियर, फोटोसुटको तस्बिर र भिडिओ पोस्ट गरेका छन्।
उनले एक अन्तर्वार्तामा भनेका थिए, 'मलाई लाग्छ जीवन भनेको सपनाहरु देख्नु हो। आफ्नो सपनाहरु फुलाउनु हो। सपनालाई उड्न पखेंटा दिनुपर्छ। हरेक अवसरको फाइदा लिन सक्नुपर्छ। म त्यस्तो मान्छे हुँ कि तिम्रो भित्तामा केही रंग लगाउन भन्यौ भने म पुरै घर रंगाइदिनेछु।'
