आफ्नो फिल्मलाई हिट गर्न अभिनेताको महत्वपूर्ण भूमिका हुन्छ।
फिल्ममा अभिनय गरेर मात्र हुँदैन। अभिनेताले फिल्म बनेपछि पनि फिल्मको प्रचारप्रसारमा समेत सहभागि हुनुपर्छ। दर्शकको मन जित्न फिल्ममा अभिनेताले आफूले गर्न सक्ने सबै काम गर्नुपर्ने हुन्छ।
यस्तै आफ्नो फिल्मलाई हिट बनाउन बलिउड अभिनेता अक्षय कुमारले धेरै उचाइमा रहेको प्लेनबाट एक्सन अभिनय गरेका थिए।
आफ्ना अधिकांश फिल्महरू फ्लप भएपछि उनले फिल्म हिट गर्न १००० फिट उचाइमाथि रहेको प्लेनबाट अभिनय गरेको कुरा बाहिरिएको छ।
भारतीय संचारमाध्यमको अनुसार अक्षयले सन् २००० मा प्रदर्शन भएको फिल्म 'खेलाडी ४२०' मा प्लेनमाथि चढेर अभिनय गरेका थिए।
फिल्म हिट बनाउन अक्षयले यस्तो गरेपनि फिल्म फ्लप भएको थियो।
८ करोड भारू लगानीमा बनेको यो फिल्म बक्स अफिसमा खासै राम्रो कमाइ गरेको थिएन। फिल्म फ्लप भएपनि उनको यो प्लेनमाथि चढेर गरेको एक्सन सिन भने अझै दर्शकले मनपराउँछन्।
यो फिल्ममा उनको दोहोरो भूमिका थियो। अक्षयसँगै फिल्ममा महिमा चौधरी, अन्तरा माली, गुलशन ग्रोवर, रजाक खानलगायत कलाकारको अभिनय थियो।
