बलिउड अभिनेता शाहरूख खानकी छोरी सुहाना खानको डेब्यू फिल्म 'द आर्चिज' को गीत सार्वजनिक भएको छ।
शुक्रबार सोनी म्युजिक इन्डिया युट्युब च्यानलमार्फत 'वा वा बुम' बोलको गीत सार्वजनिक गरिएको हो।
तेजसको स्वर रहेको गीतमा सुहाना खान, खुसी कपूर र अगस्त्य नन्दा फिचर्ड छन्। जावेद अख्तरको शब्द रहेको गीतमा शंकर इसान लोयले संगीत भरेका हुन्।
जोया अख्तर निर्देशित फिल्मबाट सुहाना खानसँगै श्रीदेवीकी छोरी खुसी कपूर, अमिताभ बच्चनका नाति अगस्त्य नन्दा पनि डेब्यू गर्न लागेका हुन्। उनीहरूको डेब्यूलाई लिएर बलिउड फिल्मकर्मीहरूले बधाई तथा शुभकामना दिइरहेका छन्।
यो फिल्म नेटफ्लिक्समा नोभेम्बर ९ देखि प्रदर्शन हुनेछ।
