कमेडी फिल्म 'खिचडी २' को ट्रेलर सार्वजनिक भएको छ।
बुधबार जिस्टुडिओ युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा 'खिचडी' परिवार दुनियाँ बचाउन एक मिसनमा निस्किएको देख्न सकिन्छ।
आतिश कपाडियाले निर्देशन गरेको फिल्ममा सुप्रिया पाठक, जमनादास मजेठिया, राजिव मेहता, अनन्द देसाई, बन्दना पाठक, कृति कुल्हारीलगायत कलाकारको अभिनय छ। फिल्ममा फराह खान र प्रतिक गान्धी अतिथि भूमिकामा छन्।
जम्नदास मजेथा निर्माता रहेको फिल्ममा आतिश कपाडिया सह-निर्माता छन्। विजय सोनीले छायांकन गरेको फिल्मलाई अजय केले सम्पादन गरेका हुन्।
यो फिल्म १७ नोभेम्बर अर्थात मंसिर १ गतेदेखि रिलिज हुँदैछ।
'खिचडी' को सुरूवात एक टेलिभिजन शोको रूपमा भएको थियो। सन् २०१० मा फिल्म 'खिचडी' प्रदर्शन भएको थियो।
