साफ यु-१८ फूटबल प्रतियोगिताको विजेता नेपाली टोलीका सदस्यलाई एन्फाले प्रतिव्यक्ति २० हजार रूपैयाँ दिने भएको छ।
सोमबार सम्पन्न एन्फाको विषेश साधारण सभाले विजेता टोलीका खेलाडीलाई प्रतिव्यक्ति २० हजार रूपैयाँ दिने निर्णय गरेको हो।
असोज पहिलो साता भुटानमा भएको प्रतियोगितामा नेपालले उपाधि जितेको थियो। नेपालले अन्तिम खेलमा भारतलाई २-०ले हराएको थियो। पहिलो खेलमा भुटानसँग पराजित भएको नेपाली टोलीले आफ्नो खेल सुधार्दै उपाधि जितेको थियो।
