स्पेनिस फुटबल लिग ला लिगा अन्तर्गतको रोमाञ्चक खेलमा रियल मड्रिडले एथ्लेटिक बिलबाओविरुद्ध नाटकीय जित निकालेको छ।
घरेलु मैदान सान्टियागो बर्नाबेउमा भएको खेलमा रियल मड्रिडका फेडेरिको भाल्भेर्देले अतिरिक्त समयमा गरेकोगोलले टोलीलाई महत्वपूर्ण तीन अंक दिलाए।
पहिलो हाफभर दुबै टोलीले अवसर सिर्जना गरे पनि गोल गर्न सकेनन्। दोस्रो हाफमा पनि खेल बराबरीमै जाँदै गर्दा अन्तिम समयमा उरुग्वेयन मिडफिल्डर भाल्भेर्देले ९०+३ मिनेटमा गरेको उत्कृष्ट स्ट्राइकले खेलको परिणाम तय गर्यो।
यस जितसँगै रियल मड्रिडले ला लिगा शीर्ष स्थानको प्रतिस्पर्धा कायम राख्न सफल भएको छ। शीर्ष स्थानमा रहेको बार्सिलोनासँग अंकको दूरी कम गर्दै रियलले उपाधिको दौडलाई अझ रोमाञ्चक बनाएको छ।
लिगमा शीर्ष स्थानको बार्सिलोनाको ३२ खेलबाट ७३ अंक छ भने रियलको ६९ अंक छ।
