संकटालाई हराउँदै वीरगन्ज सिमरा गोल्डकपको सेमिफाइनलमा


संकटालाई हराउँदै विरगन्ज सिमरामा जारी नवौं सिमरा गोल्ड कपको सेमिफाइनलमा प्रवेश गरेको छ।

मंगलबार सिमरा रंगशालामा भएको अन्तिम क्वार्टरफाइनलमा वीरगंज युनाइटेड क्लबले सिएमजी संकटालाई १-० ले स्तब्ध पार्दै अन्तिम चारमा प्रवेश गरेको हो।

खेलको १६औं मिनेटमा अग्रता लिएको वीरगंजका लागि उक्त गोल नै जित्नका लागि पर्याप्त रह्यो। वीरगंजका विशाल राईले गरेको प्रहार संकटाका गोलकिपरले पुरै नियन्त्रणमा लिन नसकेपछि फरवार्ड अमन डंगोलले सो अवसरको सदुपयोग गर्दै गोल गरेका थिए।

वीरगंजले दोस्रो सेमिफाइनलमा थ्रीस्टार क्लबको सामना गर्नेछ। त्यस्तै भोलि खेलिने पहिलो सेमिफाइनलमा मोरङ फुटबल क्लबले त्रिभुवन आर्मी क्लबको सामना गर्दैछ।

Share:

© 2017 Setopati Sanchar Pvt. Ltd.