कास्कीको मुख्य पर्यटकीय गाउँमध्येमा पर्छ घान्द्रुक।
यहाँका पुरानो शैलीका ढुङ्गाले छाएका घरहरुले मौलिक अनुभूति दिलाउँछ। पर्यटकहरूका लागि सञ्चालित होमस्टे यहाँको अर्को आकर्षण बनेको छ।
घान्द्रुकको चर्चा देशदेखि विदेशसम्म छ। पोखरा आउने पर्यटकहरू अधिकांश घान्द्रुक पुगेकै हुन्छन्।
पोखराबाट छोटो समयमै पुग्न सकिने घान्द्रुक अन्नपूर्ण गाउँपालिकामा पर्छ। यो ठाउँ पदयात्रा पर्यटनका लागि विश्व सामु प्रसिद्ध छ।
अन्नपूर्ण चक्रीय क्षेत्रमा रहेका यो गाउँ समुन्द्रि सतह देखि १,९४० मिटर उचाइमा रहेको छ।
अन्नपूर्ण चक्रीय क्षेत्रको प्रसिद्ध गन्तव्य माछापुच्र्छे, अन्नपूर्ण आधारशिवीर यसै गाउँ हुँदै जान सकिन्छ। घान्द्रुक—घोरेपानी पदयात्रा पनि विश्व पर्यटन माझा लोकप्रिय पदयात्रा मार्ग हो।
यस्तै गरी पछिल्लो समय यस पदयात्रा क्षेत्रमा सडक खनिएपछि पदयात्रा छोटिएको छ।
लमजुङको बेसीसहर, मनाङको ताल, चामे, मनाङ थोरङला भन्ज्याङ्ग पास गरेर मुत्तीनाथ, जोमसोम तातोपानी, घोरेपानी, घान्द्रुक हुँदै २१ दिनमा मात्र पर्यटक पोखरा आइपुग्थे।
सडकको कारण २१ दिनको चक्रिय पदयात्रा छोटीएर अहिले ५ देखि ६ दिनमा झरेको छ। घान्द्रुक गाउँ सम्मै अहिले मोटरमै पुग्न सकिन्छ। हिँडेर जान चाहानेलाई भने छुट्टै पदयात्रा मार्ग पनि छ।
तस्बिरहरूः
सबै तस्बिरः नेपाल फोटो लाइब्रेरी।
