बनेपास्थित आरन्य नेचर रिसोर्टको व्यवस्थापन दक्षिण एसियाकै चर्चित एटमोसफेर कोरको हस्पिटालिटीले गर्ने भएको छ।
लस्ट होराइजन जंगल रिसोर्टको साझेदारीमा बन्दै गरेको आरन्य नेचर रिसोर्ट सन् २०२५ को अन्त्य तिर एटमोसफेर कोरको व्यवस्थापनमा सञ्चालनमा आउन लागेको हो।
यो रिसोर्टबाट मौसम सफा भएको बेलामा सगरमाथा लगायत अन्य हिमाल र मनोरम पहाडहरूको दृश्य अवलोकन गर्न सकिन्छ।
काठमाडौंमा भएको व्यवस्थापन सम्झौता कार्यक्रममा एटमोसफेर कोर ग्रुपकै प्रबन्ध निर्देशक सलिल पनिग्राहीले नेपाल दक्षिण एसियाको विलासी पर्यटकिय गन्तब्यको रूपमा अघि बढिरहेको र ग्राहकहरू जहिल्यै नयाँ–नयाँ रोमान्चित गन्तव्यहरूको खोजीमा रहने बताए।
'हाम्रो सोच अनुसार अत्यन्तै राम्रो नयाँ गन्तव्य हाम्रा उच्चस्तरीय ग्राहकहरूलाई पस्कन पाउँदा ज्यादै हर्षित बनाएको छ,' नेपाल, भारत, श्रीलंका र भुटानका एटमोसफेर कोरका प्रबन्ध निर्देशक सौभाग्य महोपत्राले भने, 'आरन्य नेचर रिसोर्ट प्रकृति र नेपाललाई नजिकबाट अनुभव गर्न सकिने रिसोर्ट हो।'
लस्ट होराइजन जंगल रिसोर्टका अध्यक्ष ज्ञानेन्द्रलाल प्रधानले एटमोसफेर कोरसँग साझेदारी गर्नु स्वाभाविक भएको र उनीहरूको आतिथ्यताको दृष्टिकोण, अन्तर्राष्ट्रिय मापदण्ड अनुसारको ग्राहक सेवा र लामो अनुभवले ठ्याक्कै हामीले आरन्य रिसोर्ट सञ्चालन गर्ने परिकल्पना गरे अनुसारनै मिलेको बताए।
हाम्रो रिसोर्ट नमोबुद्ध, बनेपामा रहेको थ्रान्गु ताशी याङ्त्से गुम्बा नजिकै रहेकोले एउटा मनोमोहक गन्तब्यको रूपमा इतिहास, अध्यात्म र प्राकृतिक सौन्दर्यलाई नजिकैबाट नियाल्न सकिन्छ। यस रिसोर्टमा मनोमहक दृष्य हेर्न मिल्ने ठूला–ठूला झ्याल सहितको ५१ वटा आकर्षक डिजाइनका कटेज र स्विटसहरू हुनेछन्।
आकर्षक स्विमिङ पुलको सुविधाले हरेक किसिमका आगन्तुकहरूलाई लोभ्याउने छ भने बालबालिकाहरूका लागि छुट्टै किड्स क्लब पनि हुनेछ।
