एसोसिएसन अफ कैलाश टुर्स अपरेटर्स नेपाल (एक्टोन)को नयाँ कार्यसमिति चयन भएको छ।
केही दिनअघि सम्पन्न साधारण सभाबाट विमल नहर्कीको अध्यक्षतामा नयाँ कार्यसमिति सर्वसम्मत चयन गरेको हो।
नयाँ कार्यसमितिको प्रथम उपाध्यक्षमा कृष्ण प्रसाद ढकाल, द्वितीय उपाध्यक्षमा रमेश प्रसाद ओझा, महासचिवमा प्रदिप पण्डित, सचिवमा गोपाल थापा र कोषाध्यक्षमा भुवन बहादुर खड्का चयन भएका छन्।
यस्तै कार्यसमिति सदस्यहरूमा बसन्त बराल, गौतम बज्राचार्य र थुपदेन शेर्पा छन्।
सरकार र विभिन्न संघ संस्थासँग सहकार्य गरेर कैलाश यात्रालाई सहज बनाउनका लागि यो संस्थाले काम गर्ने एक्टोनका महासचिव प्रदीप पण्डितले बताए।
'पछिल्लो समय धेरै एजेन्सीहरूले छोटो प्याकेज बनाएर कैलाशमा तीर्थयात्रा लैजाने गरेका छन्,' उनले भने, 'व्यवस्थित प्याकेज बनाउने र व्यवसायीहरूसँग सहकार्य गरेर तीर्थयात्रा लैजाने गरी यो संस्थाले काम गर्नेछ।'
