बलिउड अभिनेत्री कंगना रनावतले हलिउडमा डेब्यू गर्ने भएकी छन्।
उनले हरर फिल्म 'ब्लेस्ड बी द इभिल' बाट हलिउडमा डेब्यू गर्न लागेकी हुन्। अनुराग रूद्रले निर्देशन गर्ने फिल्ममा स्कारलेट स्टेलोन र टायलर पोसीको मुख्य भूमिका हुनेछ।
भेराइटीका अनुसार यो फिल्मको छायांकन गर्मी याममा न्यूयोर्कमा सुरू हुनेछ। फिल्मलाई लायन्स मूभिजले निर्माण गर्नेछ।
यसको कथा पश्चिमी पृष्ठभूमिमा स्थापित भारतको परम्परागत लोककथामा आधारित हुनेछ। तर कंगनाको भूमिकाको बारेमा अहिलेसम्म कुनै खुलासा गरिएको छैन।
निर्देशक अनुराग रूद्रले फिल्मबारे भने, 'ग्रामीण भारतमा जन्म लिएको र बाल्यकाल बिताएको कारण मलाई यस फिल्मको कहानी सुनाइएको थियो। जुन मेरो दिल-दिमागमा बस्यो। यो लोककथा यति खास थियो कि मलाई साच्चै कहानीमा विश्वास थियो। यसलाई सिनेमा कलाको मार्फत इन्टरनेशनल लेभलमा प्रदर्शित गर्न चाहन्थे। जुन सपना र वास्तविकतासँग जोडिने सबैभन्दा मजबूत र सबैभन्दा सुन्दर तरिका हो।'
