बलिउड अभिनेता आमिर खानले आफ्नो युट्युब च्यानल खोलेका छन्।
उनले आफ्नो युट्युब च्यानलको नाम 'आमिर खान टकिज' राखेका छन्। यसबाट उनी आफ्नो फ्यानसँग कुराकानी गर्नेछन्।
आफ्नो युट्युब च्यानलमार्फत उनी अभिनेता/अभिनेत्री र फिल्म क्षेत्रसँग जोडिएका रोचक कुराकानीको खुलासा गर्नेछन्।
उनले आफ्नो युट्युब च्यानलको घोषणा गर्दै लेखेका छन्, 'फिल्म, कथा, पर्दा पछाडिका कुरा। हामीले स्टोरीज बनाएका छौं, जुन हेरेर तपाईहरू हास्नु हुन्छ, रुनु हुन्छ र वर्षाैसम्म याद राख्नुहुन्छ। अब हामी आमिर खान टकिजमा स्वागत गर्छौं। जसमा सिनेमाको संसार हुन्छ।'
आमिरको बलिउडमा ३० वर्ष लामो करियर छ। जसमा थुप्रै सुपरहिट फिल्म दिएका छन्। तर पछिल्लो समय उनी कम फिल्ममा काम गरिरहेका छन्।
उनी अभिनय बाहेक आमिर खान प्रोडक्सन हाउस चलाउँछन्। अब उनी आफ्नो युट्युब च्यानलमार्फत फिल्म मेकिङबारे कुराकानी गर्नेछन्।
