बलिउड अभिनेत्री दीपिका पादुकोण पछिल्लो समयकी निकै व्यस्त अभिनेत्री हुन्। उनी बलिउड र हलिउडमा ठूला-ठूला प्रोजेक्टमा काम गरिरहेकी छन्।
मोडलबाट बलिउडमा प्रवेश गरेकी दीपिकाले आफ्नो करिअरलाई उकास्न निकै मिहेनत गरेकी छन्। उनका पछिल्लो ४ फिल्मका व्यापार झन्डै ४ हजार करोड भारू पुगेको छ। ती फिल्म हुन्– पठान, जवान, फाइटर र कल्की २८९८ एडी।
यी ४ फिल्मले विश्वभरबाट ३, ६८७.३२ करोड भारू कमाएको छ। यो दीपिकाको लागि ठूलो उपलब्धि हो।
पछिल्लो समय उनी अभिनीत फिल्म 'कल्की २८९८ एडी' प्रदर्शन भएको थियो। नाग अश्विनले निर्देशन गरेको फिल्ममा दीपिकासँगै प्रभास, अभिताभ बच्चन, कमल हासनलगायत कलाकारको अभिनय छ।
अब उनी रोहित शेट्टी निर्देशित फिल्म 'सिंघम ३' मा देखिनेछिन्।
