विधु विनोद चोपडा निर्देशित फिल्म '१२ वीं फेल' विक्रान्त मासेको करियरकै सबैभन्दा सफल फिल्म बन्यो।
फिल्मलाई दर्शकसँगै समीक्षकहरूले खुव रूचाए। यस फिल्मबाट विक्रान्त मासेले पनि निकै तारिफ बटुले। यो फिल्म सफल भएपछि दर्शक दोस्रो भागको पखाईमा छन्। हालै एक अन्तर्वार्तामा विक्रान्तले यस फिल्मको सिक्वेलबारे कुराकानी गरेका छन्।
इन्डिया टुडेसँग कुराकानी गर्दै उनले भने, '१२ वीं फेलको सिक्वेललाई लिएर केही व्यक्तिहरूको फोन आइरहेको छ। दर्शकहरूलाई कुनै फिल्म मन पर्याे भने त्यस्तै फिल्म हेर्न रूचाउँछन्। तर म एकै खाल्को भूमिकामा सीमित हुन चाहन्न। यसको सिक्वेलमा के कहानी हुन्छ भन्ने थाहा छैन। यो एक सामूहिक निर्णय हुनेछ।'
विक्रान्त आगामी फिल्म 'हसीन दिलरूबा' को सिक्वेल 'फिर आई हसीन दिलरूबा' मा देखिँदैछन्।
