बलिउड अभिनेता शाहरूख खान अभिनीत फिल्म 'डंकी' ले रिलिजअगावै नयाँ रेकर्ड राखेको छ।
यो फिल्मले शाहरूख खानको ६ वर्षमा कम बजेटमा बनेको फिल्मको रेकर्ड राखेको हो। हालै फिल्मको नयाँ गीत 'लुट पुट गया' सार्वजनिक भएको छ। गीत आएपछि शाहरूखको फ्यानले यो फिल्म ब्लकबस्टर हुने बताएका छन्। यो गीतलाई एक दिनमा युट्युवमा २९ मिलियनले हेरेका छन्।
यो फिल्म 'जवान' र 'पठान' भन्दा कम बजेटमा बनेको छ। भारतीय सञ्चारमाध्यम पिंकभिलाका अनुसार यो फिल्म ८५ करोड भारूमा बनेको हो।
यो फिल्मको छायांकन ७५ दिन भएको थियो। तर शाहरूखले ६० दिन मात्र छायांकन गरेको निर्देशक राजकुमार हिरानीले बताए।
राजकुमार हिरानी निर्देशित फिल्ममा शाहरूखसँगै अभिनेत्री तापसी पन्नू र अभिनेता विक्की कौशलको मुख्य भूमिका छ।
यो फिल्म २१ डिसेम्बरदेखि रिजिल हुँदैछ।
