बलिउड अभिनेता सलमान खान र फुटबलर क्रिस्टियानो रोनाल्डोले एकअर्कालाई भेटेका छन्। साउदी अरबमा भएको बक्सिङ म्याचमा उनीहरू सँगै देखिएका हुन्।
सलमान र रोनाल्डो दुवै आफ्नो क्षेत्रमा चर्चित व्यक्ति हुन्। उनीहरू आफ्नो कामले चर्चित रहँदै आएका छन्। तर एउटै कुर्सीमा सँगै बस्दा पनि उनीहरूबीच केही कुराकानी भएन। यतिबेला सामाजिक सञ्जालमा सलमानलाई रोनाल्डोले नचिनेको भन्दै टिप्पणी भइरहेको छ।
सार्वजनिक भिडिओमा रोनाल्डोले श्रीमती जार्जियानाको हात समातेर भिडबाट बाहिरिँदै थिए। भिडमा सलमान पनि उभिरहेका हुन्छन्, जहाँ रोनाल्डोले सलमानसँगै उभिरहेका एक अरबी व्यक्तिसँग बोल्छन्। तर सलमानलाई हेर्दापनि हेर्दैनन्। त्यस्तै अर्को भिडिओमा सलमानले भने रोनाल्डोको अनुहारमा मुस्कुराउँदै हेरिरहेको देख्न सकिन्छ।
यो भिडिओ सामाजिक सञ्जालमा आएपछि सलमानका फ्यानले रोनाल्डोले बेवास्ता गरेको भन्दै ट्रोल गरिरहेका छन्। सलमानको फ्यानले रोनाल्डोले उनलाई चिनेर पनि नचिनेको जस्तै गरेको भन्दै प्रतिक्रिया दिइरहेका छन्। साथै बलिउडको चर्चित अभिनेतालाई रोनाल्डोले बेवास्ता गरेपनि सलमान दर्शकको बीचमा सधैं रहिरहने समेत टिप्पणी गरेका छन् भने केही फ्यानहरूले रोनाल्डोले भारतीय अभिनेतालाई बेवास्ता गरेकोमा माफी समेत माग्नुपर्ने बताएका छन्।
पछिल्लो समय अभिनेता खान आफ्नो फिल्म 'टाइगर ३' को प्रचारपसारमा व्यस्त छन्। यो फिल्ममा उनी अभिनेत्री कट्रिना कैफसँग देखिँदैछन्। साथै उनी भारतीय रियालिटी शो 'बिग बोस' का कार्यक्रम प्रस्तोता पनि हुन्।
