बलिउडकी अभिनेत्री जायरा वसीमले अभिनय क्षेत्रबाट बाहिरिएकी छन्। सानै उमेरदेखि फिल्ममा अभिनय सुरू गरेकी जायरा तीन वर्ष नबित्दै बलिउडबाट बाहिरिएकी हुन्।
उनले पहिलो फिल्म अभिनेता आमिर खानसँग गरेकी थिइन्। बलिउड फिल्म 'दंगल' बाट अभिनय करिअर सुरू गरेकी उनले जीवन्त अभिनय गरेकी थिइन्। साथै यो फिल्मले भारतमा अहिलेसम्मको धेरै कमाइ गर्ने भनेर राखेको छ। यो फिल्मले विश्वभरबाट २ हजार करोड भारू कमाएको थियाे।
१८ वर्षको उमेरमा उनी अहिले बलिउडबाट टाढिएकी छन्। बलिउडमा जो कोहीलाई पनि आफ्नो करिअर अगाडि बढाउन सहज छैन। कतिपय बलिउड कलाकारहरूले धेरै फिल्ममा अभिनय गर्दा पनि फ्लप भएको छ। जसले गर्दा उनीहरूले फिल्म क्षेत्र छोडेका छन्। तर जायराले अहिलेसम्म काम गरेका फिल्महरू सबै हिट भएका छन्।
उनले दंगलपछि 'सिक्रेट सुपरस्टार' फिल्ममा काम गरिन्। यो फिल्मले पनि ९१५ करोड भारू कमाएको थियो।
सन् २०१७ मा जायरालाई यौन दुर्व्यवहार भएको थियो। यात्रा गर्ने क्रममा फ्लाइटमा उनलाई विकास सचदेवाले गलत तरिकाले छोएका थिए। सचदेवालाई बालबालिकालाई यौन अपराध गरेको भन्दै सन् २०२० जनवरीमा तीन वर्ष जेल सजाय सुनायो। तर बम्बे हाई कोर्टले भने आरोपित सचदेवाको सजायलाई निलम्बित गरिदिएको थियो।
यसपछि सामाजिक संजालमा जायरामाथि ट्रोल समेत भएको थियो। जसको कारण उनलाई मानसिक तनाब भएको थियो। उनले बलिउडबाट बाहिरिनुको कारण मध्ये यो घटना पनि हो।
जायराले यो घटनापछि 'द स्काई इज पिंक' फिल्ममा काम गरिन्। यो फिल्ममा उनी अभिनेत्री प्रियंका चोपडा र अभिनेता फरहान अख्तरको छोरी बनेर अभिनय गरेकी थिइन्। यो फिल्मपछि अभिनय क्षेत्रले आफ्नो धार्मिक आस्थालाई अप्ठ्यारो पारेको भन्दै उनले फिल्म क्षेत्र छाड्ने निर्णय गरेकी थिइन्।
उनको अन्तिम फिल्म बन्यो 'द स्काई इज पिंक'।
