दक्षिण भारतीय अभिनेत्री नयनताराले 'जवान' बाट बलिउडमा डेब्यू गरेकी छन्। सेक्टेम्बर ७ देखि प्रदर्शन भइरहेको फिल्मले बक्स अफिसमा नयाँ-नयाँ रेकर्ड राखिरहेको छ।
फिल्मले व्यापारिक सफलता हासिल गर्नुका साथै अभिनेत्री नयनतारालाई पनि दर्शकले खुब रूचाए। यसैबीच सञ्जय लिला भन्सालीले नयनतारालाई आफ्नो फिल्म प्रस्ताव गरेको खबर बाहिरिएको छ।
भारतीय सञ्चारमाध्यम बलिउड लाइफका अनुसार भन्सालीले फिल्म 'बैजू बावरा' प्रस्ताव गरेका हुन्। फिल्ममा नयनताराको विशेष भूमिका रहने बताइएको छ। तर नयनताराले फिल्म खेल्ने नखेल्ने बारे केही बताएकी छैनन्।
यस फिल्ममा रणवीर सिंह र आलिया भट्टको मुख्य भूमिका रहनेछ।
सञ्जय लीला भन्साली आफ्नो वेब सिरिज 'हिरामन्डी' मा व्यस्त छन्। ओटिटी प्लेटफर्म नेटफ्क्सिमा प्रदर्शन हुने सिरिजमा सोनाक्षी सिन्हा, मनिषा कोइराला, अदिती राव हैदरी, ऋचा चड्ढा, संजिदा शेअ, शर्मिन सहगलको अभिनय रहनेछ।
