बलिउड अभिनेत्री कंगना रनावतको नयाँ फिल्मको टिजर सार्वजनिक भएको छ।
सोमबार फिल्म 'तेजस' को टिजर सार्वजनिक गरिएको हो। सार्वजनिक टिजरमा अभिनेत्री कंगनालाई मात्र प्रस्तुत गरिएको छ।
कंगनालाई एयरफोर्स पाइलटको भूमिकामा देख्न सकिन्छ। यो फिल्मको ट्रेलर ८ अक्टोबरमा सार्वजनिक गरिने बताइएको छ।
रोनी स्क्रुवालाको प्रोडक्सनको फिल्मलाई सर्भेश मेवाराले निर्देशन गरेका हुन्। यो फिल्म २८ अक्टोबरदेखि प्रदर्शन हुनेछ।
यतिबेला कंगना अभिनीत फिल्म 'चन्द्रमुखी २' प्रदर्शन भइरहेको छ। योबाहेक उनी फिल्म 'इमरजेन्सी' प्रदर्शनको पखाईमा छिन्। यस फिल्ममा उनले इन्दिरा गान्धीको भूमिका निर्वाह गरेकी छन्।
