मीनबहादुर भाम निर्देशित फिल्म 'शाम्बाला' फेरि सिनेमा हलमा प्रदर्शन हुने भएको छ।
एफक्युब, क्यूएफएक्स लगायतका केही मल्टिप्लेक्समा यो फिल्म फेरि प्रदर्शनमा आउन लागेको हो। आइतबारदेखि चावहिलस्थित एफक्युबमा प्रदर्शन फेरि सुरू हुने निर्देशक मीनबहादुर भामले जानकारी दिए।
एफक्युबले आइतबार र सोमबारका लागि ३:१५ को शो सार्वजनिक गरेको छ।
यसले बर्लिन फिल्म फेस्टिभलको मुख्य विधामा छनोट हुने पहिलो नेपाली फिल्मको रेकर्ड राखेको छ। फिल्मले विभिन्न अन्तर्राष्ट्रिय फिल्म फेस्टिभलमा चर्चा बटुलेको थियो। साथै फिल्मलाई नेपालमा समेत दर्शकले निकै रूचाएका थिए।
फिल्ममा हिमाली भेगकी गर्भवती महिलाले ल्हास्सामा हराएको श्रीमान खोज्दाको कथा समेटिएको छ। फिल्ममा थिन्ले ल्हामो, सोनम तोप्देन, तेन्जिन दाल्हा, कर्मा शाक्य, लोटेन नम्लिङलगायत कलाकारको अभिनय छ।
