सीताराम कट्टेल (धुर्मुस) र कुञ्जना घिमिरे(सुन्तली)ले निर्माण एवं अभिनय गरेको सिनेमा ‘सेन्टी भाइरस’को पोस्टर सार्वजनिक भएको छ।
पोस्टरसँगै सिनेमाको रिलिज डेट पनि घोषणा भएको छ।
रामबाबु गुरुङको निर्देशनमा निर्मित सिनेमा फागुन ९ गते रिलिज हुने भएको छ।
पोस्टरमा धुर्मुसलाई मात्र प्रस्तुत गरिएको छ।
सिनेमामा धुर्मुस र सुन्तलीका अलावा दयाहाङ राई, विल्सनविक्रम राई, बुद्दि तामाङ, कमलमणि नेपाल, राजाराम पौडेल, सूर्यमाला खनाल, बसन्त भट्ट, दीपक आचार्यलगायतको अभिनय छ।
‘सेन्टी भाइरस’ले दिने मुनाफाको २० प्रतिशत सामाजिक कार्यमा लगाइने, निर्माण पक्षले यसअघि नै घोषणा गरिसकेको छ।
