काठमाडौं जिल्ला क्रिकेट संघको आयोजनामा भइरहेको दोस्रो संस्करणको जयकुमारनाथ शाह मेमोरियल इन्टर-स्कूल क्रिकेट प्रतियोगिताको सेमिफाइनल समिकरण पूरा भएको छ।
शनिबार चार वटा क्वार्टरफाइनलका खेल सकिएसँगै चार टोलीले अन्तिम चरमा स्थान पक्का गरेका हुन्।
सेमिफाइनलमा सैनिक आवासीय महाविद्यालय र डिएभी स्कुलको ए टोलीबीच प्रतिस्पर्धा भएको छ।
सैनिकले ग्यालेन्सी पब्लिस स्कुललाई २६ रनले पराजित गर्दै अन्तिम चार स्थान पक्का गर्यो। साविक विजेता सैनिक जारी प्रतियोगितामा अपराजित छ।
यस्तै डिएभी स्कुलले एन्जल हार्ट स्कुललाई ५१ रनले हराउँदै अन्तिम चारमा सैनिकसँग भेट पक्का गर्यो।
यता अर्को सेमिफाइनलमा मोक्षदा स्कुल र गेटवे स्कुलबीच प्रतिस्पर्धा हुने भएको छ।
मोक्षदाले अन्तिम आठको खेलमा नेपाल पुलिस स्कुललाई ४ विकेटले पराजित गर्यो।
गेटवे स्कुलले पनि अन्तिम चारमा आफ्नो स्थान सुरक्षित गर्ने क्रममा अपी स्कुललाई ३२ रनले पराजित गर्न सफल भयो।
