विराटनगरविरूद्ध भैरहवाः कसले जित्ला ईपिएल उपाधि


 

एभरेस्ट प्रिमियर लिग (इपिएल)को उपाधिका लागि आज पारस खड्काको नेतृत्वमा रहेको विराटनगर वारियर्स र शरद भेषावकर नेतृत्वको भैरहवा ग्लाडियटर्स भीड्दैछन्।

कीर्तिपुरस्थित त्रिभुवन विश्वविद्यालय क्रिकेट मैदानमा हुने फाइनलको विजेताले नगद २१ लाख र ट्रफी हात पार्नेछन्।

प्रतियोगितामा अपराजित रहदै फाइनल पुगेको विराटनगरले लिग चरणमा पाँच खेल जित्दै शीर्ष स्थानमा रहेर पहिलो क्वालिफायरमा भैरहवालाई नै पराजित गरेको थियो।

यता लिगमा विराटनगरसँग मात्र हारेको भैरहवा पहिलो क्वालिफायर्मा पनि विराटनगरसँग हार्‍यो। तर, अर्को मौका (दोस्रो क्वालिफायर)मा ललितपुरलाई हराएपछि भैरहवाले तेस्रो पटक विराटनगरसँग भेट पक्का गर्दै उपाधि भिडन्त तय गरेको हो।

विराटनगरलाई फाइनलमा पुर्‍याउन हङकङ अन्तर्राष्ट्रिय टोलीका दुई क्रिकेटर बाबर हायत र अंशुमन रथको महत्वपपूर्ण योगदान छ। प्रतियोगिताका सर्बाधिक रन बनाउने खेलाडीको सूचिमा पहिलो नम्बरमा रहेका बाबर र दोस्रो नम्बरमा रहेका अंशुमन विराटनगरका मुख्य हतियार हुन्। त्यस्तै बलिङतर्फ पनि १२ विकेट लिएका वसन्त रेग्मी सर्वाधिक विकेट लिने खेलाडीको शीर्ष स्थानमा छन्।

भैरहवाले उपाधि आफ्नो नाममा गराउनका लागि यी खेलाडीहरुको लागि छुट्टै रणनीति बनाएर उत्रनुपर्ने छ। पारस खड्काले पहिलो क्वालिफायरमा बनाएको अविजित ४२* तथा बिराटनगरको पहिलो खेलमा अनिल शाहले बनाएको ४७ रन बाहेक अन्य खेलाडीहरुले राम्रो योगदान दिन सकिरहेका छैनन् । यदि महत्त्वपूर्ण दुई खेलाडीहरुले यसअघि जस्तै रन बनाउने हो भने उपाधी विराटनगरले जित्ने सम्भावना धेरै रहेको छ।

भैरहवाको लागि भने आरिफ शेखले राम्रो प्रदर्शन गरिरहेका छन्, उनलाई साथ दिने अर्को खेलाडीको रुपमा कहिले शरद भेसवाकर तथा रोहित पौडेल र पुनित मेहराले महत्त्वपूर्ण भूमिका खेलेका छन्। रोहित पौडेलको रुपमा भैरहवाले एक नयाँ फिनिसर पाएको छ जसले ललितपुर बिरुद्दको  समूह चरणको खेलमा मेहबुब आलमको एक ओभरमा १ छक्का र ३ चौका प्रहार गरेका थिए भने दोस्रो क्वालिफायरमा अन्तिम ओभरमा १३ रन आबश्यक रहेको अवस्थामा लगातार २ छक्का प्रहार गरेका थिए। बिराटनगरले आरिफ र रोहितको लागि रणनीति लिएर मैदानमा उत्रिएको खण्डमा जित दर्ता गर्न मुस्किल देखिदैन।

आज हुने फाइनलको इनिङ ब्रेकमा नेपाल आइडलका शीर्ष तीन प्रतिस्पर्धीले लाइभ प्रस्तुति दिने पनि प्रतियागिताका आयोजकले जानकारी दिएका छन्।

आज यदि विराटनगरले उपाधि जित्यो भने एउटै प्रतियोगितामा भैरहवामाथि पारसको टिमको जित तथा शदर भेषावकरको टिमको हारको ह्याट्रिक हुनेछ।

बिराटनगर वारियर्स

बिराटनगर वारियर्सले अहिलेसम्म खेलका ६ खेलहरुमा कुनै पनि खेल हारेको छैन।

बिरुद्द नतिजा अन्तर उत्कृष्ट प्रदर्शन गर्ने खेलाडी बनाएको रन
ललितपुर प्याट्रीयट्स जित ६ रन अनिल कुमार शाह ४७ (३५) १५०/६ (२०)
पोखरा राइनोज जित ३ विकेट अन्शुमन राथ ६० (६१) १२३/७ (१९.४)
चितवन टाइगर्स जित ७१ रन बाबर हयात ८१ (४२), बसन्त रेग्मी ४/११ १७४/८ (२०)
भैरहवा ग्लाडीएटर्स जित ३५ रन अन्शुमन राथ ५४ (५०), अभिनास कर्ण ४/२५ १४९/६ (२०)
काठमाण्डौ किंग्स एघार जित ८ रन बाबर हयात ६७ (५०), ३/१९ १४७/७ (२०)
पहिलो क्वालिफायर: भैरहवा ग्लाडीएटर्स जित ८ विकेट बाबर हयात ६२ (४४), पारस खड्का ४२* (२४) १३१/२ (१७)

भैरहवा ग्लाडीएटर्स

भैरहवा ग्लाडीएटर्सले प्रतियोगितामा ७ खेलहरू खेलेको छ। जसमध्ये ५ खेलमा जित हात पार्दा विराटनगरसँगका दुवैखेलमा पराजित भएको छ।

बिरुद्द नतिजा अन्तर उत्कृष्ट प्रदर्शन गर्ने खेलाडी बनाएको रन
काठमाण्डौ किंग्स एघार जित ७ विकेट दिपेश ३/१६, पुनित बिस्ट ४२*(२८) १२१/३ (१६.२)
ललितपुर प्याट्रीयट्स जित ४ विकेट पुनित बिस्ट ३८(५०), रोहित पौडेल ३१(११) १४५/६ (२०)
बिराटनगर वारियर्स हार ३५ रन हरिशंकर शाह ३/३५ ११४/१० (१८.३)
पोखरा राइनोज जित ७ विकेट आरिफ शेख ४८*(४७) ११०/३ (१७.४)
चितवन टाइगर्स जित ४ रन शरद भेसावकर ३/१२, पुनित मिश्र ३० (२९) १३३/७ (१९.३)
पहिलो क्वालिफायर: बिराटनगर वारियर्स हार ८ विकेट पुनित मिश्र ४९(३४), आरिफ शेख ४६ (३५) १२७/८ (२०)
दोश्रो क्वालिफायर: ललितपुर प्याट्रीयट्स जित ३ विकेट प्रथम सालुंखे ३२(२२), रोहित पौडेल २८*(१७) १३३/७ (१९.३)

 

विराटनगर वारियर्सः

पारस खड्का (कप्तान), बसन्त रेग्मी, करण केसी, अभिनास कर्ण, आसिफ शेख, अनिल कुमार शाह, राम नरेश गिरी, प्रनित थापा मगर, सुमित महर्जन, आकाश विष्ट, दिपेश कँडेल, पुष्प थापा, बाबर हायत, अंशुमन रथ, सहान अदिसा

भैरहवा ग्लाडिएटर्स:

शरद भेषावकर (कप्तान), प्रदिप ऐरी, आरिफ शेख, भुवन कार्की, हरीशंकर शाह, दिपेश श्रेष्ठ, कृष्ण कार्की, प्रकाश केसी, भुपेन्द्र थापा, रोहित कुमार पौडेल, अभिनास बोहरा, पुनित मेहरा, राहुल यादव, प्रथम सालुन्के

Share:

© 2017 Setopati Sanchar Pvt. Ltd.