राष्ट्रिय स्वतन्त्र पार्टीले निर्वाचन क्षेत्र समितिका एक पदाधिकारीलाई पार्टी अनुशासन उल्लंघन गरेको कारण जिम्मेवारीबाट तीन दिनका लागि निलम्बन गरेको छ।
रास्वपाले उक्त नेतालाई गत जेठ ५ गते निलम्बन गरेको हो।
व्यक्तिको प्रतिष्ठामा आँच आउने भन्दै उक्त व्यक्तिको परिचय भने नखुलाइएको कार्यवाहक प्रवक्ता कविन्द्र बुर्लाकोटीले जानकारी दिए।
‘अनुमतिबिना पार्टीका केन्द्रीय पदाधिकारीसँगको भेटमा एक निर्वाचन क्षेत्र उपसंयोजकले मोबाइलबाट गोप्य रूपमा भिडिओ रेकर्ड गरेको पाइएकोले निजलाई अनुशासनात्मक कारबाही स्वरूप निलम्बन गरिएको हो,’ उनले भने, ‘व्यक्तिगत प्रतिष्ठामा आँच आउन नदिनका लागि पार्टीले निलम्बनमा परेका व्यक्तिको परिचय खुलाएको छैन।’
