प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच बालुवाटारमा भएको छलफलमा उपप्रधान तथा अर्थमन्त्री विष्णु पौडेल र गृहमन्त्री रमेश लेखक पनि सहभागी भएका छन्।
सुरूमा प्रधानमन्त्री ओली र सभापति देउवाबीच छलफल भएको थियो भने त्यसपछि अर्थमन्त्री र गृहमन्त्रीलाई पनि बोलाइएको थियो।
गभर्नर नियुक्ति र समसामयिक राजनीतिक घटनाक्रमबारे उनीहरूबीच छलफल भएको बालुवाटार स्रोतले जनाएको छ।
नेपाल राष्ट्र बैंकको गभर्नर गत चैत २४ गतेदेखि रिक्त छ। डेपुटी गभर्नर नीलम ढुंगानालाई कायममुकायम गभर्नरको जिम्मेवारी दिइएको छ।
गभर्नर सिफारिस समिति अर्थमन्त्री पौडेलको संयोजकत्वमा छ तर अहिलेसम्म बैठक बस्न सकेको छैन।
सभापति देउवाले गभर्नरमा अर्थविद् विश्व पौडेल नियुक्त गर्न यसअघि नै प्रधानमन्त्री ओलीलाई नाम दिइसकेका थिए।
