उपप्रधानमन्त्रीसमेत रहेका सहरी विकास मन्त्री प्रकाशमान सिंहले सार्वभाैम संविधानसभाले बनाएकाे संविधानकाे खिलापमा गएर केही पनि प्राप्त नहुने बताएका छन्।
सबैले संविधानकाे परिधिभित्र बस्नुपर्ने उनको भनाइ छ।
आइतबार काभ्रेकाे नमाेबुद्ध नगरपालिका १ मा स्वास्थ्य चाैकी भवन उद्घाटन, बालमैत्री वडा घाेषणा र वडाकाे प्रशासकीय भवन उद्घाटन गर्दै सिंहले संविधानकाे परिधिभित्र रहनुपर्ने बताए।
‘जे गर्नुपर्ने हाे संविधानभित्रै बसेरनै आफ्नो कामहरू गर्न सक्नुपर्छ। कसैलाई चित्त बुझेन भन्दैमा संविधानसभाबाट जनप्रतिनिधिले जारी गरेकाे संघीय लाेकतान्त्रिक गणतन्त्रात्मक संविधानकाे खिलापमा गएर केही हुँदैन´, उनले भने ‘संविधानकाे प्रभावकारी कार्यान्वयन गर्नुपर्छ। चित्त नबुझेकाे कुरा छन् भने विधि र प्रक्रियाअनुसार राख्न सकिन्छ। संविधान सशाेधन गर्न सकिन्छ।’
२०१७ सालमा गुमेकाे अधिकार ३० वर्ष लामाे संघर्षबाट फिर्ता भएकाे चर्चा गर्दै उनले अहिले प्राप्त अधिकार उसै प्राप्त नभएकाे पनि बताए।
अधिनायकवादी व्यवस्थामा नागरिक अधिकार कुण्ठित मात्र नभई विकासकाे कामसमेत हुन नसक्ने विगतकाे अनुभव सुनाउँदै उनले गणतन्त्रपछि नागरिक अधिकार सुरक्षित भएकाे र विकासले गति लिएकाे बताए।
