मोडलिङबाट बलिउड हुँदै हलिउड पुगेकी अभिनेत्री दिपीका पादुकोणले हलिउडको एक अवार्डमा मनोनयनमा पर्न सफल भएकी छन्। अभिनेता भिन डिजेलसँग'एक्सएक्सएक्सः द रिटर्न अफ द ज्याण्डर केज' बाट हलिउडमा डेब्यू गरेकी दिपीका'टीन च्वाइस अवार्ड इन च्वाइस मुभी एक्ट्रेस' विधामा 'नोमिनेसन' मा परेकी हुन्।
उनीसँगै सोही फिल्मका नीना डोभरेव र रूबी रोज पनि मनोनयनमा परेका छन्। त्यस्तै 'वन्डर वुमन' बाट गल ग्याडोट, 'फेट अफ द फ्यूरियस' बाट मिसेल रोड्रिग्यूज र'पाइरेट्स अ दि क्यारेबियनः डेड म्यान टेल नो टेल्स' बाट काया स्कोडेलारियो पनि उक्त मनोनयनमा परेका छन्।
उक्त अवार्डको 'च्वाइस एक्सन मुभी एक्टर' को मनोनयनमा 'एक्सएक्सएक्सः द रिटर्न अफ द ज्याण्डर केज' बाटै भिन डिजेल परेका छन्।
दिपीकाले 'एक्सएक्सएक्स' सिरीजको चौथो संस्करणमा पनि अभिनय गर्ने भएकी छन्। हाल उनी बलिउडमा सन्जय लीला भन्सालीको 'पद्मावती' को सुटिङमा व्यस्त छन्।
