लुभ्र होटल्स ग्रुपले नेपालमा पहिलो पटक अन्तर्राष्ट्रिय ब्रान्डको होटल 'रोयल टुलिप' सञ्चालनमा ल्याएको छ।
ललितपुरको ग्वार्कोबाट सञ्चालनमा आएको यस होटलले नेपालकै एक ठूलो र मिटिङ सभाको लागि ठूला हलहरू रहेको बताइएको छ।
यस होटलको विकास मासिफ होटल प्रा.लि र व्यवस्थापन सरोबर होटलले गरेको छ।
रोयल टुलिप अन्तर्राष्ट्रिय प्रख्यात होटल ब्रान्ड हो। त्रिभुवन विमानस्थलबाट ३.५ किलोमिटरको दुरीमा रहेको यस होटलमा तीन सय आठ वटा कोठा रहेका छन्।
कोठा संख्याको आधारमा यो नेपालकै ठूलो होटल भएको कम्पनीको दाबी छ।
हाल होटलले एक सय चार कोठा मात्रै सञ्चालनमा ल्याएको छ। त्यस्तै, डाइनिङको लागि ललितपुर क्याफे छ भने होटलमा द अल्पाइन लाउन्ज एण्ड बार समेत छ।
इभेन्ट (कार्यक्रम)हरू सञ्चालन गर्न होटलमा ३० हजार स्वायर फिट बराबरको क्षेत्र रहेको, ११ हजार स्वायर फिट बराबरका ब्यांकेट र ६ वटा अतिरिक्त मिटिङ हल रहेका छन्।
लुभ्र होटल्स ग्रुपको हाल ७० मुलुकमा एक हजार सात सय ५६ होटल रहेका छन्।
